Ang Aking Talambuhay ni John Lee G Fullo

Ako po yung naka puti

      Ako po si John lee G Fullo anak nina Maricel Fullo at Renante Fullo,tatlo kaming magkakapatid sina John Rey Fullo at Wilmar Gesta,ipinanganak ako noong January 29, 1995 sa aming bahay.

Nagsimula ang aking buhay ng ako isilang ni Maricel Fullo,nakatira kami sa Barangay Bagong Pook Rail Side.

 Simple lamang ang aming pamumuhay.Hanggang ako'y nag kinder nagkaroon ako ng maraming kaibigan natutung sumulat,at masaya ako doon at hindi nag kulang sa payo ang aking mga magulang.

      Nagsimula na ako sa elementarya,nung una naninibago pa ako dahil wala pa akong kilala kaya pinilit kong makisama sa kanila masaya pala ang Grade 1,maraming kalaro at kaya ako'y masaya.

Handa po namin sa bagong taon

      Nang ako ay nasa Grade 2 na natuto na akong mag basa.At nasanay akong mag isa,buti na lang kasama ko ang aking pinsan hindi na akong nalungkot mag isa.At nang bakasyon sa pinsan kong bahay ako nag bakasyon masaya rin doon dahil marami akong kalaro at mabait ang tiyuhin ko at tiyahin ko sa akin.

      Ngayong ako ay nasa Grade 3 na,mas alam ko na ang tama at mali kaya naiwasan kong maki pag away sa mga taong walang kuwenta.At inilipat kami ng silid aralan dahil wala ng nag tuturo sa amin dahil nag retire na.At inilipat ako sa section 12,mahirap doon dahil mataray ang aming guro kaya hindi maganda ang aking buhay Grade 3.Ang pasko naman sa aming bahay ay sobrang saya sabi ni mama na may Santa Claus daw pero di ako naniniwala doon. Paano ba naman ang makakapasok si Santa kung walang papasukan kaya nag imbestiga ako sa gabi na nang malaman ko sina mama at papa nga lang talaga yan at napatawa nalang ako tama nga ako walang Santa Claus. Si Santa Claus pala ay aking mga magulang. Kinaumagahan nakita ko ang aking regalo sabi ni mama ”dib a totoo si Santa?” at ngumiti nalang ako at sinabi ko sa kanya “opo totoo po sila “ may halong pagtataka si mama bakit ko sinabing “sila” ehh isa lamang  si Santa siguro. Nahalata ni mama na alam ko na sila ang nagreregalo sa amin at hindi si Santa

      Noong ako ay Grade 4, dito ako natutong humanga sa isang babae na anak pala ng katrabaho ng tatay ko. Hinangaan ko siya dahil siya ay matalino at maganda kaya masasabi kong ang saya ng buhay grade 4 ko.

New Years Party namin

      Nagpatuloy ako hanggang nasa Grade 5 na ako dito napakasaya ko dahil mabait ang aking mga kaibigan at guro. Ngunit dito rin ako natutong makipagayaw.Pero dito may matalik akong kaibigan si Ardwin Delos Santos, dahil siya ay matalino nagpapaturo ako sa kanya kapag hindi ko alam ang leksyon namin.Kaya maraming-maraming salamat sa kanya.

      Hanggang ako'y nasa Grade 6 na dito naging pinakamasaya ang buhay elementarya ko dahil sa ang mga kaklase ko noong Grade 5 ay kaklase ko rin ngayon,dito kami nagsimulang magbulakbol,nagkaroon ng kasintahan at mas natutunan namin kung ano ang tama sa mali.hanggang sa kami ay magtatapos na ng elementarya malungkot dahil may-iyakan may tawanan at may biruan, pero masaya rin dahil magtatapos na kami lahat.

     Nang-ako'y nasa unang taon na ng sekondarya, Dito ko naranasan kung anu ang ibig sabihin “High School Life”. Dapat pala dito nalang ako pumasok para naranasan ko ito nang mas maaga. Dito ko rin nakilala ang babaeng mag papatibok sa aking puso na minsan na rin nabato, siya rin ang nagbabalik ng aking sigla sa tuwing ako’y na lulumbay, isang tingin palang sa mukha niyang nakangiti “okay na ako”. Di ko inakalang iibig ako. Sa kanya ko lamang nalaman na bawat tao ay may puwang sa mundo. At dahil sa kanya pilit kong binabago ang aking sarili, ako’y nag papapayat para ako’y kanyang tanggapin.. Ang nais ko lamang ay ang kanyang kaligayahan. Mabuti ang aking hangarin para sa kanya. Siya din ang nagbigay sa akin ng inspirasyon. dito ko naranasan makisalamuha sa iba't ibang bata at iba't ibang ugali,pero masaya dahil marami pa akong natututunan sa buhay, pero masasabi ko rin na mababait ang aking mga kaklase at guro ngunit iba ang sekondarya sa elementarya.Dito rin iba't iba ugali ng mga babae kumpara sa mga babae ng elementarya pero magagaganda silang lahat.

Nag-anak po kami sa binyag

     Noong ako'y nasa ikalawang taon na ng sekondarya ganoon parin ang muka ng aking mga kaklase walang pagkaka-iba.Dito ko rin naranasan na mahirap pala ang sekondarya,dahil ibinagsak ako ni Mr.Ang,dahil dito maslalo pa akong nagsumikap mag-aral kaya ipinasa rin ako.Tuwing Bakasyon nagpupunta kami sa probinsya ng tatay ko sa bicol,masaya doon dahil sariwa ang hangin at makakapagpahinga ka talaga ng maayos.

     Noong ako naman ay nasa ikatlong baitang na ng sekondarya,nalulungkot ako sa mga nakikita kong pagwawalang bahala ng mga estudyante sa kanilang  pag-aaral.Kailangan talaga ng paggabay ng mga magulang at mga guro.Upang maisaayos pa ang pag-aaral ng mga estudyante.Nag-aral pa rin ako ng mabuti dahil gusto kong makapag tapos ng pag-aaral.marami pa akong nakilalang kaibigan,maslalo pang humirap ang mga leksyon namin dahil mahirap ang mga itinuturo at ipinapaliwanag sa amin.Naranasan ko rin maideliberate ng dalawang leksyon,maipatawag ang magulang dahil sa marami akong mga kalokohan.At noong bakasyon ako ay nag fasting,dito nag-aaral kami tungkol sa salita ng diyos at dito rin hindi kami kumain ng labing-tatlong araw at labing dalawang gabi.

Pagkatapos ng fiesta

     At ngayon ako ay nasa ika-apat na baitang na ng sekondarya,dito mas seryoso na ang aking pag-aaral dahil dito nakasalalay ang aking kinabukasan kaya pinipilit kong mag seryoso at lalong galingan pa sa aking mga leksyon dahil gusto kong makatulong sa aking mga magulang at upang masuklian ko ang paghihirap nila sa akin ngayon malapit na sumapit ang aming pagtatapos ng buhay sekondarya kaya nagpapasalamat ako sa mga taong naging bahagi na ng aking buhay at sana'y maging matagumpay ako balang araw.At salamat sa kaalaman,karunungan na ipinagkaloob ninyong mga guro sa akin lalong-lalo na sa guro namin sa kompyuter dahil naisulat ko itong aking talambuhay.Maraming-maraming salamat po sa inyong lahat.